ikiu.gl – Den Selvejende Retshjælpinstitution

Inatsisitigut Siunnersuisarfik
Namminersortuutitaq

TIKILLUARIT

IKIU

Inatsisitigut ajornartorsiuteqarpit imal. apeqqutissaqarpit? IKIU Kalaallit Nunaanni innuttaasunut tamanut akeqanngitsumik matoqqasumillu inatsisitigut siunnersuisarpoq ilitsersuisarlunilu.

IKIUMI siunnersuisartut tamarmik inatsisilerituutut ilinniarsimasuupput sulillutillu pisortaqarfinni imaluunnit eqqartuussissuserisut allaffiini. IKIU inatsisitigut ikiuisarfiuvoq imminut pigisuusoq ingerlanneqarporlu annertunerpaamik naalagaaffimmit angingasaliissutit tunngavigalugit.

Kiisalu IKIU oqarasuaateqarnermut, faxeqarnermut Interneteqarnermullu atatillugu TELE-POSTimit aningaasaliiffigineqartarpoq, Aningasaateqarflllu NunaFonden ataatsimiittarfimmi pequtinik aningaasaliisuuvoq, KNR radiukkut TV-kkullu nalunaruteqarnernik ikiuisarpoq. SBS Consult aammalu Motzfeldt.IT mailitta nittartakkattalu ajunngitsumik ingerlanissaannik isumannaarinnittuusarput.

Kikkut

IKIU Nuummi qullersaqarfeqarpoq, Kalaallit Nunaannilu innuttaasut oqarasuaatikkut mailikkulluunniit, siunnersorneqarnissamut periarfissaqarput.

Siunnersorneqarnissaq ilitsersuunneqarnissarlu Kalaallit Nunaat tamakkerlugu innuttaasunut neqeroorutaavoq. Kisiannili akeqanngitsumik ikiorneqarnissamut atatillugu aningaasaqarnermut piumasaqaatitaqarpoq. IKIU aqqutigalugu tamakku pillugit sukumiinerusunik paasissutissinneqarsinnaavutit.

Suut

Makku akeqanngitsumik ikiorsiiffigineqarsinnaapput:
• Avinnernut, akiliisarnernut angajoqaatullu oqartussaanernut tunngassuteqartut
• Soraarsitaanernut, atorunnaarsitsinernut mianersoqqutinullu attuumassuteqartut
• Inissiaatinit anisitaanernut, nunnermi aningaasartuutinut, attartornerni isumaqatigiissutaasunut tunngasut,
• Taarsiivigineqarnissamut tunngasut
• Pisinernut isumaqatigiissuteqarnernullu tunngasut
• Kingornussassanut attuumassuteqartut

Makkununnga ikiuisoqarsinnaanngilaq:
• Pisortatigoortunik pinerluuteqarsimanernut atatillugu pasisaasunut unnerluutigineqartunut
• Namminersorlutik inuussutissarsiuteqartut suli ingerlasut tungaannut suliat inuussutissarsiornermut attuumassuteqarnerusut
• Akiitsunik isumakkeerinninnissanut tunngasut
• Suliat aqutsisoqarfiit oqartussaaffeqarfiinut tunngasut imaluunnit suliat taaneqartunit suliarineqartut, naatsorsuutigineqarsinnaappallu, ilitsersuinissat ikiuineissallu pisortanit isumagineqarumaartut.

Qanoq iliornissaq

Piffissamik inniminniinerit pisinnaapput ataasinngornerni nal. 09-miit 15-ip tungaanut imatut iliornikkut:

• 32 45 48-imut sianerluni
• Emailerluni uunga ikiu@ikiu.gl

Inatsisitigut siunnersuinerit pisarput nal. 15-ip nal. 17-illu akornanni siviussuseqartarlutillu minutsit 20-it missinginik.

Siunnersortit pitsaanerpaamik siunnersuisinnaanissaat angujumallugu pingartuuvoq pappialat ajornartorsiutigisannut attuumassuteqartut tunniunneqarlutilluunniit nassiussimanissaat.

Sumi

Nuuk
Blok 3-007
Postboks 1318,
3900 Nuuk
Isertarfik Allakkeriviup akerpianiippoq
Taaneqartunut ilassutitut IKIU illoqarfinnut toqqakkanut assigiinngitsunut angalasarpoq, tikitanili IKIU pillugu paasissutissiisarluni aammalu tamakkiinerusumik piginnaatitaaffiit periarfissallu pillugut paasissutissiisarluni.

ATTAVISSAQ

IKIU Nunatsinni inatsisitigut ikiorsiisarnermi suleriaaseq malillugu ingerlanneqarpoq, tassanilu ukiumut isertitat kisimiittuugaanni, 315.000 kr. imaluunniit aappariiugaanni 400.000 kr. sullinneqarsinnaanermut killigitinneqarluni. Meeraqaraanni 18-t inorlugit ukiulimmik, aningaasat isertitat killigitinneqartut meeqqamut ataatsimut kr. 55.000-iupput. Allattoqarfimmut attaveqarfissat

allaffipput

Blok 3-007
3900 Nuuk

sianerfigisigut

Tlf. nr. 32 45 48

Mail-imik nassiussigit