kontaktbanner
Inatsisitigut ikiuisarfik namminersortitaq IKIU Inatsisinik Atortitsinermut Ministereqarfimmi Inuit Sullinneqarnerinut Aqutsisoqarfimmit akuerisaavoq, aammalu Kalaallit Nunaanni eqqartuussisaaseq pillugu inatsimmi § 84, imm. 5 naapertorlugu tapiissutisisarluni.

IKIU allattoqarfeqarpoq, tassanilu allattoqarfimmi pisortaq, allaffimmiu ullup affaani sulisartoq aammalu inatsisilerituut namminneerlutik piumassusertik tunngavigalugu sulianullu attuumassuteqaratik suliaqartut arlallit sulisuupput.

Siunertaq

Ikiuisarfiup namminersortitap inatsisilerinermi akeqanngitsumik ikiuisarnissaq siunertaraa.

Taamaallaat inunnut, aningaasaqarnikkut atukkat Kalaallit Nunaanni eqqartuussisaaseq pillugu inatsimmi § 254, imm. 3 naapertorlugu naammassinnissimasutut isigineqartunut ikiuisoqartarpoq.

Uku inatsisitigut ikiorsiiffigineqarsinnaanngillat:

1) pinerlussimasutut pasisat imaluunniit eqqartuussassanngortinneqarsimasut,

2) suliffeqarfiutillit inuussutissarsiornikkut annertuumik ingerlataqartut

3) akiitsunik isumakkeerinninnisamut suliat, aamma

4) suliat ingerlatsinermut oqartussaaffinnut tunngasut imaluunniit ingerlasut, ilitsersuineq ikiuinerlu oqartussaasunit pisariaqarnera naapertorlugu ingerlanneqarnera naatsorsuutigineqarsinnaappat.

Sullinniakkat

Kalaallit Nunaanni innuttaasut.

Siulersuisut

Thomas Trier Hansen, Siulersuisuugallartoq nutaamik siulittaasussamik qinersisoqarnissaata tungaanut

Naja Joelsen, Inatsisileritooq

Thomas Verner Jørgensen, Kalaallit Nunaani Eqqartuusiviani eqqartuussisuugallartoq

Bjarne Petersen, Inatsisileritooq Juristi

Aaja Chemnitz Larsen, Folketinget-mi ilaasortaq

Pernille Kappel Jensen, Inatsisileritooq Juristi

Kista Høegh, Advokatfuldmægtig